भुमिकास्थानबाट भरुवा बन्दुक सहित २ जना पक्राउ
सागर महत,अर्घाखाँची ।
अर्घाखाँचीको भुमिकास्थान नगरपालिकामा भरुवा बन्दुक सहित २ जना पक्राउ परेका छन् ।पक्राउ पर्नेमा भुमिकास्थान १ ओखट्टे बस्ने ४० बर्षिय जितेन्द्र भुसाल र ३७ बर्षिय फर्सुराम खनाल रहेको जिल्ला प्रहरी कार्यालय अर्घाखाँचीले जनाएको छ ।उनीहरुको साथ बाट एक थान अवैध भरुवा बन्दुक बरामद गरीएको बताएको छ ।
भरुवा बन्दुक साथमा लिई हिंडेको भन्ने गोप्य सूचनाको आधारमा प्रहरी चौकी ढाकावाङबाट खटिएको प्रहरी टोलीले उनीहरुलाई पक्राउ गरेको जनाएको छ ।साथै यसबारे थप अनुसन्धान भइरहेको प्रहरीको भनाइ छ ।
कमेन्ट गर्नुहोस !