अर्घाखाँचीमा विद्यार्थीलाई भाग्य बोक्ने झोला वितरण
प्रेमनारायण आचार्य,सन्धिखर्क ।
अर्घाखाँचीको भुमिकास्थान नगरपालिका वडा नम्वर ३ मा अध्ययनरत गरिब, असहाय र अति विपन्न विद्यार्थीलाई शैक्षिक तथा सरसफाई सामाग्री वितरण गरिएको छ ।
पहिलो पाइला नेपालले भुमिकास्थान गरपालिका वडा नम्वर ३ मा रहेको सिद्धार्थ आधारभुत विद्यालय र शंकर जनसेवा आधारभुत विद्यालयमा अध्ययनरत १ सय १० जना गरिब, असहाय र अति विपन्न विद्यार्थीलाइ शैक्षिक तथा सरसफाई सामाग्री वितरण गरेको सस्थाका बुटबल शाखा उपाध्यक्ष सन्तोष बन्जाडेले बताउनुभयो ।
शैक्षिक तथा सरसफाइ सामाग्री वितरण गर्दै जिल्ला समन्वय समितिका प्रमुख जीवनारायण कोइरालाले सामुदायिक विद्यालयहरुमा खस्कदै गरेको शिक्षाको गुणस्तर बृद्धि गर्न शिक्षक, अभिभावक, जन प्रतिनिधि तथा सबै सरोकारवालाहरु लाग्नु पर्ने बताउनुभयो ।
कार्यक्रममा जिल्ला समन्वय कार्यालयका प्रमुख जीवनारायण कोइराला, पहिलो पाइला नेपालका केन्द्रिय महासचिव विनोद महत, भुमिकास्थान नगरपालिका वडा नम्वर ३ का वडा अध्यक्ष कृष्ण प्रसाद बन्जाडे, नगरपालिकाका शिक्षा शाखा प्रमुख तुपलाल सापकोटा, समाजसेवी बाबुराम बन्जाडे, अन्नपूर्ण माविका शिक्षक सुवास चन्द्र बन्जाडे, सिद्धार्थ आधारभुत विद्यालयका प्रधनाध्यापक खेमराज भाट, शंकर जनसेवा आधारभुत विद्यालयका प्रधनाध्यापक शालिकराम खनाल, नेपाल पत्रकार महासंघका लुम्बिनी प्रदेश सदस्य प्रेमनारायण आचार्य, शिक्षक अभिभावक संघका बालकृष्ण पाण्डे, सस्थाका बुटबल शाखाका उपाध्यक्ष सन्तोष बन्जाडे लगायतले मन्तब्य राखेका थिए ।
भाग्य बोक्ने झोला वितरण कार्यक्रम पहिलो पाइला नेपालका बुटवल शाखा अध्यक्ष विनोद बस्यालको अध्यक्षता, सचिव राजन अधिकारीको सञ्चालन र नरेश न्यौपानेको स्वागत मन्तब्यमा सम्पन्न भएको हो ।
कमेन्ट गर्नुहोस !