विश्व कप क्रिकेटमा भारतले इङ्ल्यान्डलाई हरायो
![](https://sabaikosandes.com/wp-content/uploads/2023/10/990sfsf.jpg)
काठमाण्डौ ।आईसीसी एकदिवसीय विश्वकप क्रिकेटमा भारतले इङ्ल्यान्डलाई १ सय रनले हराएको छ । गएराति लखनउमा सकिएको खेलमा भारतले दिएको २३० रनको लक्ष्य पछ्याएको इङ्ल्यान्ड ३४ ओभर ५ बलमा १सय२९ रन बनाएर अलआउट भयो ।
त्यसअघि टस हारेर ब्याटिङ गरेको भारतले निर्धारित ५० ओभरमा नौ विकेट गुमाउँदै २२९ रन बनाएको थियो । जितसँगै भारतले १२ अङ्क जोडेको छ । अहिलेसम्मका खेलमा अपराजित रहेको भारत ६ खेलमा १२ अङ्क जोड्दै शीर्ष स्थानमा छ । १० अङ्क जोडेको दक्षिण अफ्रिका दोस्रो स्थानमा छ । इङ्ल्यान्ड ६ खेलमा २ अङ्क जोडेर पुछारमा छ ।
कमेन्ट गर्नुहोस !