प्रतिगमन लाई डटेर प्रतिवाद गरौंः माधव नेपाल
काठमाडौँ ।नेकपा एमालेका वरिष्ठ नेता माधवकुमार नेपालले पुन प्रतिगमन दोहोरिएको बताउनुभएको छ ।आज सामाजिक संजाल फेसबुक बाट नेपालले षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको बताउनुभएको छ ।सामाजिक संजालमा उहाँको भनाई यस्तो छ ।
षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको छ। प्रतिगमन दोहोरिएको छ ।संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो । यो व्यवस्था नै कू गर्ने अग्रसरता हो । शीतल निवासले संविधानको मर्मलाई कुठाराघात गरेको छ । यो प्रतिगमन भाग २ हो । केपी ओलीको यो कदमको भर्त्सना गर्दछु । यसको प्रतिवाद डटेर गर्न आह्वान गर्दछु !
सरकार निर्माणका सबै संवैधानिक ढोकाहरू बन्द भएपछि प्रधानमन्त्री केपी शर्मा ओलीले प्रतिनिधिसभा विघटन र चुनावको मिति राष्ट्रपतिसमक्ष सिफारिस गर्नुभएको थियो ।
कमेन्ट गर्नुहोस !