प्रशासन कार्यालय अर्घाखाँचीमा नागरिकता बनाउनेको भिड
सागर महत/ अर्घाखाँची ।
जिल्ला प्रशासन कार्यालय अर्घाखाँचीमा नागरिकता र राहदानी बनाउनेको भीड लाग्न थालेको छ ।चाडपर्वको बेला स्वदेश तथा विदेशमा रहेकाहरु चाडपर्व मनाउन जिल्लामा आउने भएकाले यही समयलाई सदुपयोग गर्ने भएकोले नागरिकता र राहदानी बनाउनेको चाप बढेको जिल्ला प्रशासन कार्यालय अर्घाखाँचीले जनाएको छ ।यस अघि प्रशासन कार्यालय बाट दैनिक ३० देखि ३५ नागरिकता वितरण हुँदै आएकोमा हिजो (आइतबार) मात्र एकै दिन १ सय ९९ जनाले नागरिकता बनाएर वितरण गरिएको सहायक प्रमुख जिल्ला अधिकारी विनोद खनालले जानकारी दिनुभयो ।आज पनि १ सय ५५ जनाले नागरिकता वितरण गरिएको सहायक प्रमुख जिल्ला अधिकारी खनालको भनाइ छ ।
नागरिकता बनाउनको लागि सनाखत गर्न आएका अभिभावक चौरमा बसी भलाकुसारी गदै
सेवा प्रदान गदै सहायक प्रमुख जिल्ला अधिकारी विनोद खनाल
कमेन्ट गर्नुहोस !