सन्धिखर्कमा प्रीमियर लिग चौथो संस्करणको क्रिकेट प्रतियोगिता हुँदै
सागर महत,अर्घाखाँची ।अर्घाखाँचीमा प्रीमियर लिगको चौथो संस्करणको क्रिकेट प्रतियोगिता हुने भएको छ । अर्घाखाँची क्रिकेट संघको आयोजनामा हुन लागेको प्रतियोगिता फागुन २३ गतेदेखि सन्धिखर्कमा हुने संघका जिल्ला अध्यक्ष ऋषिकेश भट्टराईले जानकारी दिनुभयो । खेल सम्पन्न गर्नको लागि अन्तिम तयारी भएको पत्रकार सम्मेलन मार्फत जानकारी दिनुभएको हो ।
प्रतियोगितामा प्रथम पुरस्कार १ लाख १ हजार र द्वितीय पुरस्कर ५१ हजार नगद सहित ट्रफी,मेडल र प्रमाणपत्र प्रदान गरिने अध्यक्ष भट्टराईले बताउनुभयो ।
लुम्बिनी प्रदेशकै प्रतिष्ठित प्रतियोगिता हो भने जसमा ४ वटा टिमको सहभागीता रहने बताउनुभयो ।अहिलेको खेल संचालन गर्नको लागि आजको मिति सम्म कुनै पालिकाले सहयोग गरेको छैन ।विदेशमा रहेका अर्घाखाँचीका खेल प्रेमीको सहयोगमा खेल संचालन गर्न लागेको उहाँले भनाइ छ ।जिल्लामा उत्पादीत खेलाडी देव खनाल, बिक्रम भुसाल,शौरभ खनाल र उत्तम थापा मगर भएपनि खेल क्षेत्रको विकास र खेलाडीको भविश्य माथी प्रश्न उठने गरे बताउनुभयो । यस्तै खेल क्षेत्रको विकासको लागि अहिलेको समयमा सबै क्षेत्रको सहयोगको अपेक्षा रहेको बताउनुभयो ।
कमेन्ट गर्नुहोस !