आचारसंहिताको लागि निर्वाचन आयोगले दलहरुलाई बोलायो
![](https://sabaikosandes.com/wp-content/uploads/2021/02/ood-689x405.jpg)
काठमाडौं ।प्रधानमन्त्री केपी ओलीले चुनावको मिती घोषणा गरे लगतै निर्वाचन आयोगले विभिन्न कार्यक्रम गदै आएको थियो ।सोहि अनुसार आयोगले आचारसंहिताबारे सबै दलका प्रतिनिधिहरुसँग आज छलफल गर्दैछ । निर्वाचन आचारसंहिताको मस्यौदा तयार पारिसकेको र सो मस्यौदाबारे राजनीतिक दलहरुसँग छलफल गर्न लागिएको आयोगले जनाएको छ ।यस्तै दलहरुसँग छलफल गरिसकेपछि निर्वाचन आचारसंहिता सार्वजनिक गर्ने समेत आयोगले जनाएको छ ।
सरकारले प्रतिनिधिसभा विघटन गरी आगामी बैशाख १७ र २७ गते निर्वाचन मिति तोकेको छ ।तर प्रतिनिधि सभा विघटनबारे सर्वोच्च अदालतमा मुद्दा विचाराधीन छ।
प्रधानमन्त्री केपी शर्मा ओलीले पुस ५ मा प्रतिनिधि सभा विघटन गरेपछि नेकपा विभाजित छ। तर आयोगले कसैलाई पनि मान्यता दिएको छैन। ओली र प्रचण्ड-नेपाल समूहले आफूहरू नै आधिकारिक नेकपा भएको दाबी गरेका थिए।
कमेन्ट गर्नुहोस !