नेपाली काङ्ग्रेस सन्धिखर्क १२द्वारा सितगङ्गा पहिरो पिडित ४८ घरपरिवारलाई राहत सामाग्री हस्तान्तरण

अर्घाखाँची जिल्ला सन्धिखर्क १२ निवासी पुर्व साम्सद एव नेपाली काङ्ग्रेस अर्घाखाँचीबाट प्रतिनिधिसभाका उम्मेदवार डा. राम बहादुर बिसीका भाइ हाल काठमाडौमा बसोबास गर्ने हुम बहादुर बिसी र उहाकी श्रीमती शुसिला बिसीको आर्थिक सहयोग तथा नेपाली काङ्ग्रेस सनपा १२का वडा सभापती लिलाधर बस्याल , सनपा १२ वडा अध्यक्ष एवं तरुण जिल्ला अध्यक्ष नारायण खड्का , शिक्षक बाबुराम पाण्डे , पत्रकार बिक्रम पाण्डे समान्ता , तरुण युवाहरु अनिल बस्याल , प्रमाण बस्याल , निश्चल बस्यालको ब्यबस्थापन तथा सकृयतामा शितगङ्गा पहिरो पिडित ४८ घर परिवारलाई राहत सामाग्री बितरण गरिएको छ ।

स्कुल र खुला चौरमा बसेका परिवारलाई नेपाली काङ्ग्रेस सनपा १२ ले उहाँहरुको प्रत्येक्ष सहभागीतामा राहत सामाग्री हस्तान्तरण गरिएको थियो । प्रती परिवारलाई राहत स्वरुप २५ केजी चामल , ३ केजी दाल , २ केजी , १ केजी तेल , र १ केजी सोयाबिन लगायतका सामाग्री बितरण गरिएको हो । राहत सामाग्री प्रमुख जिल्ला अधिकारी बिष्णु पौडेल , प्रहरी नायब उपरीक्षक माधब बुढाथोकी , अनुसन्धान कार्यालयका प्रमुख बिनय चतुर्बेदी , शितगङ्गा १२ का वडा अध्यक्ष बाबुराम गैरेको रोहवरमा बितरण गरिएको थियो ।

राहत सामाग्री हस्तान्तरण कार्यक्रमको उद्घाटन प्रमुख जिल्ला अधिकारी बिष्णु पौडेलले गर्नु भएको थियो । कार्यक्रममा आफ्नो भनाई राख्दै प्रजिअ पौडेल आर्थीक सहयोग सहयोग गर्ने सनपा १२ निवासी हाल काठमाडौमा बसोबास गर्ने हुम बहादुर बिसी र शुसिला बिसीलाई धन्यवाद ब्यक्त गर्दै यस दुखको घडीमा पहिरो पिडितहरुलाई सहयोग गर्न अपिल गर्नुभयो ।

कार्यक्रममा मन्तव्य राख्दै नेपाली काङ्ग्रेस सनपा १२ वडा सभापती लिलाधर बस्यालले नेपाली काङ्ग्रेस दुखी र पिडितहरुको सहयात्री भएको भन्दै काङ्ग्रेस जस्तोसुकै अप्ठ्यारोमा पनि हातेमालो गर्न तयार रहेको बताउनु भयो । त्यस्तै नेपाल तरुण दल अध्यक्ष नारायण खड्काले तरुण आपत र बिपतमा भएकाहरुलाई सहयोगमा जुट्न भन्दै पिडितहरुको समस्यालाई समाधन गर्ने पक्षमा सधै उभिन अपिल गर्नुभयो । त्यस्तै शितगङ्गा १२ का वडा अध्यक्ष बाबुराम गैरेले सहयोग गर्ने सनपा १२ नेपाली काङ्ग्रेसलाई धन्यवाद दिदै सहयोग कार्यक्रमले पहिरो पिडित परिवारलाई ठूलो राहत मिलेको बताउनु भयो । कार्यक्रमको सन्चालन पत्रकार बिक्रम पाण्डेको सन्चालनमा सम्पन्न भएको हो ।