सरकार र विप्लव नेतृत्वको नेकपाबीच सहमतिपत्रमा हस्ताक्षर
काठमाण्डौ ।प्रधानमन्त्री केपी शर्मा ओली र नेपाल कम्युनिष्ट पार्टीका महासचिव नेत्रविक्रम चन्दका उपस्थितिमा दुवै पक्षबीच भएको सहमतिमा हस्ताक्षर भएको छ ।
सहमति पत्र निम्न छन ।
१ दुबै पक्ष नेपाल सरकार नेपाल कम्युनिस्ट पार्टी देशको राजनीतिक समस्याहरु वार्ता र सम्वादबाट समाधान गर्न सहमत भएका छौं ।
२ नेपाल कम्युनिस्ट पार्टी आफ्ना सबै राजनीतिक क्रियाकलाप शान्तिपूर्ण रुपमा गर्न सहमत भएको छ ।
३ नेपाल सरकार नेपाल कम्युनिस्ट पार्टीमाथि लगाएको प्रतिबन्ध हटाउन, कारागारमा रहेका पार्टीका नेता र कार्यकर्ता रिहाई गर्न र सम्पूर्ण मुद्दाहरु खारेज गर्न सहमत भएको छ ।
सहमतिपत्रमा सरकारको तर्फबाट गृहमन्त्री रामबहादुर थापा र विप्लवनेतृत्वको तर्फबाट नेता प्रकाण्डले हस्ताक्षर गरेको हो ।यता
हिंसात्मक गतिविधिमा संलग्न रहेको भन्दै सरकारले २०७५ को फागुन २८ मा विप्लव नेतृत्वको नेकपामाथि प्रतिबन्ध लगाएको थियो।
कमेन्ट गर्नुहोस !